Resumen
A escuma dos días constitúe un universo propio no que a historia e o estilo, as ideas e os procedementos, o imaxinario e o real, o xogo e a metáfora, as persoas e a linguaxe, fúndense e entretécense para conformaren un mundo único, fantástico e poético que o lector sente como plenamente auténtico e verdadeiro. A obra de Boris Vian non fixo senón medrar na apreciación da crítica e do público, sendo hoxe un dos autores máis estimados da literatura francesa contemporánea. E A escuma dos días, libro de cabeceira da mocidade francesa dende hai anos, ocupa o lugar máis destacado.
<
