Resumen
Marc e a súa familia viven felices nunha bonita urbanización, pero un día un estraño suceso acaba facendo abalar toda esa harmonía: no armario do cuarto dos seus pais unha arrepiante voz, procedente do pasado, fai a súa aparición. Para fuxir dos malos agoiros que ese estraño fenómeno anuncia para todos, deciden marchar a París nunha viaxe de lecer. Así se desencadea a traxedia máis estarrecedora que poida afectar a un ser humano.
Xogando cunha chea de paralelismos entre a ficción literaria e a mellor tradición do cinema de misterio e suspense, a autora artella unha historia que nos mantén pendentes da intriga, con ben dosificadas doses de angustia, ata o final da novela.
As ilustracións de Meixide acentúan ese parentesco cinematográfico e materializan ambientes que figuran entre o real e o imaxinario.
<