Resumen
Este libro ofrece unha visión distinta e renovada da historia de Galicia no período moderno.
Se nunha primeira fase os historiadores desta época se ocuparon con preferencia do marco demográfico e económico no que se desenvolvía a vida das xentes, nos últimos tempos foron os aspectos culturais, educativos, relixiosos e os relacionados coa historia das mentalidades os que concentraron boa parte da atención historiográfica. Este libro nútrese desas achegas e da investigación directa realizada pola autora. O resultado é un texto de sumo interese, unha ampla e actualizada síntese que nos aproxima a un tramo da historia de Galicia aínda escasamente divulgado.
