Resumen
Abentura eta misteriozko nobela honetan, gazte batek bere herrialdeko istorio ilun bat ikertzen du.
Lurrikara batek amildegi handi bat ireki zuen Harana eta Mendiak herrialdeen artean. Amona hiltzean, bere paperetan arrasto misteriotsu batzuk aurkitu ditu Yonder gazteak, eta ikertzen hasiko da: badirudi ezkutuko arrazoiak daudela bi zatiak lotuko dituen zubi bat ez eraikitzeko. Ikerketa korapilotsu baten ondoren, bere familiarekin eta Barbara neskalagunaren familiarekin zerikusia duten beste enigma batzuk ere argituko ditu.
Lurrikara batek amildegi handi bat ireki zuen Harana eta Mendiak herrialdeen artean. Amona hiltzean, bere paperetan aztarna misteriotsu batzuk aurkitu ditu Yonder gazteak, eta ikertzen hasiko da: badirudi ezkutuko arrazoiak daudela bi zatiak lotuko dituen zubi bat ez eraikitzeko. Herrialde batetik bestera joateko, basamortuan zehar hamabost eguneko bidaia bete behar da orain, eta bi aldetako biztanleek gero eta harreman txikiagoa dute. Yonder Haranera doa, amildegiaren bestaldera, amagandik bereizi zen aita bisitatzera. Bertan Barbara neska umezurtza ezagutuko du, baita maitemindu ere. Biek batera Doeve Masterbuilder ingeniariaren guraso zaharrak bisitatu dituzte: Masterbuilder zubia eraikitzeko lanean ari zen, baina arrastorik utzi gabe desagertu zen duela hogeita bost urte. Ikerketa korapilatuz doa: Barbararen ama erail zutela jakiten dute, gizon misteriotsu bat Yonder amildegian behera botatzen saiatuko da... Mendietara itzuli ondoren, hango enpresa susmagarri baten gorabeherak jarraitzen dituzte: itxuraz gizon onbera den Villerius doktorearen agindupean, gizon talde bat zubiaren eraikuntza oztopatzen aritu da isilpean. Yonder zelatan ibiliko da eta bi enigma handi argituko ditu: Dove Masterbuilder bizirik dago oraindik, lurpean bahiturik... eta ingeniaria bere osaba dela aurkituko du, amonaren ezkutuko semea.
