Resumen
O día do nacemento do príncipe Estanislao sería lembrado para sempre con letras destacadas nos anais do antigo e poderoso reino de Sofrovia debido á potencia dos berros que emitiu en canto viu a primeira luz. Era só o anticipo da xuventude intensa, apaixonada e rebelde do que anos despois acabaría sendo o rei Tanis I, o Mocos.Estanislao era longueirón, cabezolo e narigudo, pero tiña un sorriso que encadeaba a todo o mundo. Educado por un equipo de peda-gogos do palacio real, vivía rodeado de luxos. Os seus desexos cumpríanse ó instante, xa fora calquera ocorrencia para xogar ou calquera antollo para alomorzar ou cear. Os seus amigos alcumábano &8220;o Mocos&8221;, xa que sempre que lle proía o nariz metía o dedo en busca de mozos cos que facía boliñas que empregaba nos seus xogos.Estanislao, príncipe de Sofrovia, a última novela de Manuel Lourenzo González, ilustrada por Santiago Gutiérrez, narra a nenez e o período escolar do divertidísmo príncipe punqui que coñecimos en Tanis I, o Mocos, novela do mesmo autor xa publicada dentro da colección Merlín.<