Resumen
Eu e os meus colegas, o libro que Xerais presenta na súa colección Fóra de Xogo, constitúe se cabe, o libro máis adulto dos publicados ata agora en galego polos autores.Os alumnos e alumnas dunha clase de 3º de BUP preparan o seu baile de fin de curso. Seis protagonistas: Steve, Rachel, Tony, David, Jerry e Miranda contan en primeira persoa o que sucedeu nesa noite chea de problemas para todos eles: a festa do instituto rematou cun paseo pola comisaría de policía onde terán que afrontar acusacións de posesión de drogas e de roubo de bicicletas. A morte do seu profe de Química fará que todos reflexionen e sintan moi preto as consecuencias da SIDA. Saúde, sexo, drogas e SIDA, á fin e ó cabo as relacións interpersoais, son o eixo desta obra, onde tódolos personaxes sofren e aman os seus colegas. Unha lectura valente e moi recomendable para os xoves de hoxe.
