Resumen
O profesor titular da Facultade de Ciencias da Educación da Universidade de Santiago, Andrés Suárez Yáñez, preparou un valioso libro sobre a iniciación escolar á aprendizaxe da lectura e da escritura. Un libro que pretende ser unha axuda para que os profesores encargados de iniciar ós escolares na producción e interpretación de textos escritos sexan capaces de deseñar e implementar programas de iniciación á linguaxe escrita adaptados á diversidade dos seus alumnos (lingüística, cultural e de ritmos e estilos de aprendizaxe). Para Andrés Suárez á hora de deseñar estes programas, os profesores teñen que tomar decisións respecto a cuestións como: que obxectivos priorizar; idade de comezo; (nas decisións multilingües) lingua de alfabetización; enfoque metodolóxico; tipo de letra, vocabulario, elección de estructuras morfosintácticas e textuais, selección de libros auténticos, atención ás diferencias individuais, etc. Estas e outras cuestións son abordadas neste libro, imprescindible para o profesorado que ten que abordar estas complexas cuestións.