Resumen
Magnolia Jauna, Quentin Blake handiaren klasiko sariztatua da, 1980an argitaratua. Kontakizun errimatua dugu, pertsonai maitagarri bat ardatz duena. Irakurleek 1etik 10era zenbatu ahal izango dituzte Magnolia jaunaren inguruko elementuak.
Humorea eta pertsonaiaren gora-behera txoroak gertatzen dira jarraian liburu alai honetan, oin batean falta duen bota delarik ipuinaren lelo nagusia. Dena aldatuko da, ezustean, paperean bildutako opari bat iristen zaionean?
Magnolia jauna ozenki irakurtzeko liburu aproposa da;erritmoa biltzen du, egitura narratiboak errepikatzen dira eta irudi deskriptiboak ditu. Marrazki deigarriz egina, xehetasun eta kolore bizikoak, eszena bakoitzaren adierazkortasuna eta bizitasuna areagotzen dutenak.
Ezaguna da Quentin Blakek bere liburuetan pertsonaia bitxiak sortzeko duen joera. Angelika Milapatrikaren patrikak edo eskuartean dugun Magnolia jauna horren lekuko dira: konbentzionalismoetatik urruntzen diren pertsonak, musikaz eta naturaz gozatzen dutenak, bere kasa dabiltzanak, besteen iritziei erreparatu gabe.
