Resumen
Escrito coa actitude do divulgador, este libro pretende contribuír ó coñecemento dunha das etapas máis ricas e máis cheas de creatividade da tradición literaria galega recente. Sen renunciar ó emprego dunha análise rigorosa dos textos, Manual e escolma da Nova Narrativa Galega axuda ó lector a coñecer mellor cada unha das obras da Nova Narrativa, singularizándoas no que teñen de particular e poñéndoas en contacto coas restantes, non en van son froito do mesmo ambiente de época: os anos sesenta. A obra de autores coma Méndez Ferrín, Rodríguez Mourullo, Carlos Casares, M.ª Xosé Queizán ou Camilo Gonsar aparece estudiada no libro, que tamén inclúe os textos destes autores, completando deste xeito un volume esencial tanto para consulta coma para ter un bo coñecemento da evolución da narrativa galega contemporánea.
<
