Resumen
Explosiva e polémica, Muller ceiba é unha voz provocadoramente feminina, palabra erótica, humorística e mestiza que funde o made in America cos lagartos das lagoas do camiño a Yaxchilán, borrando para sempre a fronteira de Río Grande. Con Muller ceiba presentamos unha poeta descoñecida en Europa; Ablativo Absoluto é a primeria colección en acoller a traducción dun libro de poemas desta autora norteamericana que nos Estados Unidos ten recibido numerosos premios literarios. Sandra Cisneros naceu en Chicago en 1954 e vive en Texas. De ascendencia latina, a poeta debátese entre dúas linguas: o inglés, idioma da súa obra, e o español, idioma dos seus referentes máis queridos. En Muller ceiba, o terceiro libro de poemas de Sandra Cisneros, xúguense ata a mestizaxe os referentes do mundo cotián anglonorteamericano con palabras e frases en castelán e continuas referencias á cultura mexicana. Pero, sobre todo, Muller ceiba é palabra de muller, un libro feminino, explosivo e provocador que aporta unha linguaxe de grande dinamismo á poesía. Muller ceiba móvese entre a ironía, o erotismo e un fino humor de muller consciente e provocadora. Trátase, sen dúbida, dun dos libros máis atractivos dos publicados nos últimos anos na poesía norteamericana. Desde o made in America á fronteira de Río Grande, desde a vitalidade feminina ó humor, aquí están todos os elementos dun libro verdadeiramente excepcional.<