Resumen
A historia de Ehrengard desenvólvese “hai cento vinte anos” nun pequeno reino da Europa Central e nela cóntase a porción das vidas dun príncipe, unha princesa e maila súa dama de honra que decorreu nun castelo chamado Rosenbad baixo a atenta mirada e goberno dun pintor da corte. Un dos temas preferidos por Karen Blixen —o do entrecruzamento de vida e arte, o do intento de construí-la realidade partindo dunha idea preconcibida— está presente nesta historia marcada desde o comezo pola fantasía e a ambigüidade e que podemos situar nesa zona case esquecida na que a ironía e a inocencia máis completa se confunden e entrecruzan misteriosamente.