Resumen
`F.M.´ é unha selección de artigos e colaboracións publicados ao longo de tres anos en xornais e revistas por Suso de Toro. Os textos seleccionados versan nada menos que sobre arte, literatura, medios de comunicación, a vida que vivimos, o país que habitamos e todas esas cousas. O discurso fragmentado e diverso compón a sintonía continua deste emisor, Suso de Toro. Un emisor que neste libro aparece case desposuído do filtro da ironía. Persisten o sarcasmo e a dolor como instrumentos de interpretación do que nos rodea, unha interpretación que se basea nun programa ético e estético. Así mesmo, o libro pode ser visto como guía de interpretación da obra narrativa deste autor, ou como lanterna que a alumee dunha nova luz. Constitúe, así mesmo, a reflexión e un certo balance dun período que o autor rubrica cunha despedida.
