Resumen
Case quince anos despois da súa publicación, Un millón de vacas é un referente inexcusable na obra de Manuel Rivas e un auténtico clásico da literatura recente. Aquí estaba xa a forza da linguaxe poética do autor de O pobo da noite, En salvaxe compaña, O lapis do carpinteiro ou dos máis recentes Galicia. Galicia e A man dos paíños, a través deses relatos breves, escritos por quen ten a dobre vocación de xornalista e poeta.
Un millón de vacas reedítase por novena vez en Xerais Narrativa (tras varias edicións en Xerais Peto) e despois de ter vendido trinta mil exemplares, cando as vacas entoleceron, nunha edición aumentada cun novo e fermoso relato do autor, «Madonna (Conto de Nadal)» que Rivas escribiu no pasado mes de decembro.Son, os de Un millón de vacas, relatos escritos cunha prosa limpa e sincera, chea de tenrura, de gracia e vivacidade, a través das que sentimos as raigañas e as fendas da terra nestas historias ateigadas de inxenuidade, de optimismo e de ironía. Esta é a Galicia cotiá, descrita con grande sensibilidade e cunha explosión de humor que nace dos constrastes e da espontaneidade. Esta é a escrita áxil, sagaz e rica de quen hoxe se configura como o escritor galego máis universal. E este é o primeiro libro co que seduciu a milleiros de lectores e lectoras.
